قاسم ابو زيد

ادفقي ماتبقي رقراق ابقي ياضل ياشموس
غطي المساحات بالوضوح استنهضي الشوق..الجلوس وهجك شوارع ذاتي في ليل اليباب ماتشفقي العطش.الرحيل النيل ركيزة ودمعة الاحباب سحاب ماتخافي من دم الغروب لو رتش اللوحة الضباب مادام ضميرنا الفينا ..حي مادام عريق العشق..حي ملحوقة يامدن السراب رويانة بي فرح التساب ادفقي فيضان عماراتربعي ..وفجي الوجع دمع الالم ..مايدفقك ما خاب غناك فارسك رجع اتوهجي وانتي الشمس اتلهجي نورك سطع نور بوادينا الكساح رقصت مزامير الصباح مبكية قرية وسنبلة الليلة في ايدنا السلاح ريشة وكدنكة ..ومطرقة نبنيكي احسن ياظروف مخضرة ..دانية القطوف نطوي المسافات.. نسبقا ادفقي بلدك فداك اتوهطي وري البنيات العديل محمية بي عرق الترابلة ونغمتك مسقية بي الريد العتيق انغام ربابتك تشيل معزوفة الليل..والرفيق ماتصغري تكبر اماني السنبلة هي أكبري تصغر معاني القنبلة ما ترجعي الصد لي المداين والقري شيلي الشحوب والاصفرار ادي البويتات منظرا ادفقي في كل شارع ..وكل بيت وفي روابينا المحنة وفي ضمايرنا السهول ادفقي في كل حتة..وكل زول ابقي شان تحيا الفصول